سرغړونې

کابل (پژواک، ۲۱ کب ۹۷): لویه څارنوالي په ۲۲ ولایتونو کې د ۳۸۶ تورنو کسانو د ۱۸۷ ټاکنیزو قضیو د څېړلو خبر ورکوي او وايي، د ټاکنیزو کمېسیونونو د کمېشنرانو د قضیو په اړه جدي څېړنې روانې دي.

 

کابل (پژواک،۲۱ کب ۹۷): لویې څارنوالۍ د ټاکنو د خپلواک کمېسیون د دارالانشا د مخکني رییس په ګډون د دغه کمېسیون پنځه اوسني او پخواني کارکوونکي ممنوع الخروج اعلان کړل.

 

چاريکار(پژواک،٢٠ کب ٩٧): له پروان څخه ولسي جرګې ته ځينې نوماندانې په ټاکنو کې د بریالیتوب ادعا لري او وايي، د رایو د پېر او پلور له امله د دوی پر ځای نورو کسانو وروستي لېست لار موندلې وه.

 

کابل(پژواک،۸ کب ۹۷): د کابل یو شمېر معترضو نوماندانو د دغه ولایت د ټاکنو د لغوه کېدو، د رایو د بیا شمېرنې بهیر د درېدو او د ټاکنیزو کمېشنرانو او سرغړونکو د محاکمې غوښتنه وکړه او ګواښ یې وکړ چې د دوی غوښتنو ته د نه پام په صورت کې به پراخ لاریونونه وکړي.  
 د ولسي جرګې ټاکنې د هېواد په ۳۲ ولایتونو کې د روان کال د تلې په ۲۸ مه او ۲۹ مه خو په کندهار ولایت کې د لړم په پنځمه ترسره شوې.
ټاکل شوې وه چې نن له کابله ولسي جرګې ته له ۲۰ ډېر معترض نوماندان د یو لاریون په ترح کې خپلې غوښتنې له یوناما دفتر سره شریکې کړي، خو پولیسو ورته د امنیتي ګواښونو له امله اجازه ورنه کړه.

کابل (پژواک، ٢٤ سلواغه ٩٧): د کورنيو چارو وزارت وايي چې د بلخ ولايت پوليسو له پکتيکا ولايت څخه ولسي جرګې ته يو بريالى نوماند چې پر فساد تورن دى، ازبکستان ته د تېښې پر مهال نيولى دى.
د کورنيو چارو وزارت له خوا د سلواغې په ٢٤مه په يوه خپره شوې خبرپاڼه کې راغلي چې د پکتيکا ولايت دغه اوسېدونکى د اسنادو د جعل او تذوير په جرم د محکمې له خوا پر پنځو کلونو بند محکوم شوى دى.
 
سرچينې زياته کړې چې دغه فراري مجرم تېره ورځ د بلخ د جنايي جرمونو پر ضد د مبارزې ځانګړو پوليسو له خوا نيول شوی دى.

کابل (پژواک، ۲۴ سلواغه ۹۷): د ټاکنیزو کمېسیونونو له دندو لري شوي کمېشنران د ټاکنو قانون تعدیل او د ولسمشر له خوا د کمېشنرانو عزل د قانون خلاف ګڼي او وايي، د ټاکنیزو کمېسیونونو د غړو له دندو لري کول سیاسي پرېکړه ده.

کابل (پژواک،۲۱ سلواغه ۹۷): د ولسي جرګې د معترضو نوماندانو سلګونه پلویانو د کابل ښار په پښتونستان څلورلاري کې شاوخوا شپږ ساعته د ترافیکو پر مخ لار وتړله، خو پولیسو د اوبو په شیندلو سره هغوى خواره واره کړل.
د معترضو نوماندانو سلګونه پلویانو د کابل حوزې د ټولو رایو د لغوه کېدو او په دې حوزه کې د ټاکنو د بیا ترسره کېدو غوښتنه وکړه او ویې ویل، که غوښتنې یې ونه منل شي د کابل د دولتي ادارو دروازې به وتړي.

کابل (پژواک، ۱۷ سلواغه ۹۷): د بدخشان د ټاکنیزو شکایتونو کمېسیون د سیمه ییز دفتر رییس د دغه کمېسیون مرکزي دفتر د ولسي جرګې د ټاکنو په پایلو کې په لاسوهنه تورنوي او د قانون د پلي کېدو غوښتنه کوي.

 

کندهار (پژواک، ۱۷ سلواغه ۹۷): د کندهار د ټاکنو کمېسیون عملیاتي مرستیال ادعا کوي چې د ولسي جرګې دوو نوماندانو لومړى وهلی، ښکنځلي يې د‌ى او بربنډه ويډیو یې ترې اخيستې ده.

پلخمري (پژواک، ١٠ سلواغه ٩٧): د بغلان معترضو نوماندانو د يوه ساعت لپاره د کابل- شمال لويه لار وتړله او د ټاکنو خپلواک کمېسيون ته يې ١٢ ساعته وخت ورکړ څو د دوى غوښتنې ومني.

 

Pages

Subscribe to سرغړونې