Paktia

ګردېز (پژواک، ٢٤ تله ٩٧): د پکتيا د ټاکنو کمېسيون د سيمه ييز دفتر مسوولين وايي، په دې ولايت کې له ټولو ۱۹۹ ټاکنيزو مرکزونو څخه يې ۷۸ تر لوړ او ۳۶ نور تر منځني امنيتي ګواښ لاندې دي.
د ياد کمېسيون مشر خواجه امين الله فضلي پژواک خبري اژانس ته وويل چې د ټاکنو حساس او غير حساس توکي ګردېز ته رسېدلي او ولسواليو ته يې د لېږد چارې هم پيل شوې دي.
هغه زياته کړه، امنيتي ادارو ورته د ټاکنو د مرکزونو د خونديتوب ټټر وهلی او هيله څرګندوي چې د ټاکنو په ورځ به د ټاکنيزو مرکزونو او رايه ورکوونکو امنيت خوندي کړي.

ګردېز (پژواک، ٢٢ تله ٩٧): په پکتيا کې د ولسي جرګې نوماندان د ټاکنيزو کمپاينونو له نا انډولۍ شکايت کوي او وايي چې د ولسي جرګې برحال غړي له دولتي امکاناتو او واکونو ګټه اخلي.

ګردېز (پژواک، د مرغومي لومړۍ نېټه ٩٤): د پکتيا والي وايي چې د ملي شورا يو شمېر غړي، ځيني قومي مشران او چارواکي د هغو کسانو د خلاصون هلې ځلې کوي چې د اداري فساد په تور نيول شوي دي.
د پکتيا والي نصرت الله ارسلا د مرغومي په لومړۍ نېټه خبريالانو ته د بېلګې په توګه وويل چې څه موده وړاندې د پکتيا د پوهنې رياست شپږ کار کوونکي د اداري فساد په تور ونيول شول خو ځينو کسانو يې اوس د خلاصون لپاره هلې ځلې پيل کړې دي.
ارسلا په دې برخه کې د چا نوم ياد نه کړ خو زياته يې کړه: ((زه د اداري فساد پر وړاندې جدي مبارزه کوم خو دغه ډول لاسوهنې زما د کار پر وړاندې خنډ ګرځي.))