Baghlan د ولايتي شوراګانو ټاکنې

پلخمري (پژواک، ٩ تله ٩٤): ځايي اوسېدونکي وايي چې د بغلان ولايت تاله و برفک ولسوالي  او د کندوز قلعه زال ولسوالي د طالبانو لاس ته ورغلې ده.
د خيرالله په نوم يوه سيمه ييز مخور پژواک خبري اژانس ته وويل چې دا ولسوالي تېره شپه ١١ بجې د دولت له ولکې وتلې، امنيه قوماندان او سرتېري يې د سمنګان ولايت د روى دواب ولسوالۍ ملک درې ته پر شا شوي دي.
هغه وايي چې طالبانو په ولسوالۍ کې ځاى پر ځاى شوي او ملکي مامورين بېلابېلو سيمو وتلي دي.

پلخمري (پژواک، ٨ وږى ٩٤): د بغلان په دهنۀ غوري ولسوالۍ کې شاوخوا ٣٠ امنيتي ځواکونه د وسله والو په محاصره کې دي او شکايت کوي چې هېڅ مرسته ورته نه ده رسېدلې.
دا شمېر ملي او سيمه ييز پوليس د بغلان د دهنۀ غوري ولسوالۍ  بازار پوستک سيمې ته څېرمه په څلورو امنيتي پوستو کې د طالبانو له لوري کلابند شوي دي.
د دې امنيتي پوستو قوماندان عبدالرحيم پژواک خبري اژانس ته وويل: "درې شپې او ورځي په جګړه اخته يو، څومره چې مو مرسته وغوښته والي او امنيه قوماندان مرسته نه کوي."
هغه ګواښ وکړ چې د طالبانو کلابندي رانږدې کېږي او که بېړنۍ مرستې ور ونه رسېږي د طالبانو لاس ته به ورشي.

پلخمرى (پژواک،١٦جوزا٩٤): يک ماين در مقابل موتر دو عضو شوراى ولايتى بغلان انفجار کرد؛ اما به کسى آسيب نرسيد.
اسد الله شهبار عضو شوراى ولايتى، به آژانس خبرى پژواک گفت که اين ماين، در مقابل دروازه ورودی شورای ولایتی درشهر پلخمرى، حوالى ساعت ١٢:٣٠ ظهر امروز انفجار کرد.
شهباز افزود که وى با علم جان مجاهد عضو ديگر شوراى ولايتى، از دفتر شورا بیرون شده و میخواستند که به یک محفل عروسی بروند که انفجار صورت گرفت.
وى علاوه کرد که موتر حامل آنها زره بوده و قسماً تخريب شده؛ اما به کسى آسيب نرسيده است.

پلخمري(پژواک، ٢٦غويى ٩٤): د بغلان ولايتي شورا مرستيال وايي چې ددې ولايت د مرکز په ډنډغوري سيمه کې يو پوځي مرکز د طالبانو لاس ته ورغلى دى.
 فيروز الدين ايماق پژواک خبري اژانس ته وويل چې د موسى خان پوځي مرکز په وروستيو درېيو ورځو کې د وسله والو مخالفينو ترکلابندۍ لاندې و چې بالاخره تېر ماښام له دولتي واکه ووت.
هغه زياته کړه چې وسله والو مخالفينو ١٥ ميله کلاشينکوف، يوه پيکا، يو رينجر موټر او د مرکز مهمات يوه نامعلوم ځاى ته لېږدولي دي.