Farah د ولايتي شوراګانو ټاکنې

فراه (پژواک، ٢٢ وږی ۹۴): د فراه په خاکسفید ولسوالۍ کې له پنځو ورځو راهيسې د روانې جګړې له امله سلګونه کورنۍ بېځايه شوې دي.
د راپورونو له مخې، د دولت سلګونو وسله والو مخالفينو پر خاکسفېد ولسوالۍ بريد کړى او دا مهال هم هلته نښتې روانې دي.
د فراه د ولايتي شورا غړي دادالله قانع پژواک خبري اژانس ته وویل چې د جګړې له امله د خاکسفېد له خشکابې، کورغن، نوی ده او ځينو نورو سیمو سلګونه کورنۍ د خپلو کورونو پرېښودو ته اړې شوې دي.
دى وايي چې دغه کورنۍ د فراه د پشترود او بالابلوک ولسواليو ته کډې شوې دي.
هغه وويل چې د جګړې له امله د اوښتې مرګ ژوبلې په اړه معلومات نه لري.

فراه(پژواک،٩وږی۹۴):دفراه دولايتي شوراغړي وايي چې د دي ولايت په مرکز کې له درېيو مياشتوراهيسې لسګونه مرموزې وژنې شوي چې نوريې بايد حکومت مخه ونيسي.
د فراه د ولايتي شورا مرستيال خيرمحمد نورزي د وږي په ٩مه د يوې خبري غونډې پرمهال وويل چې په تېرو درېيو مياشتو کې د دې ولايت په مرکز کې له شلو زيات کسان په مرموز ډول وژل شوي دي.
ده وويل چې په وژل شويو کسانو کې دعامو خلکو ترڅنګ پوليس، څارنوالان او نور دولتي کسان هم شامل دي.
نورزى وايي چې په فراه کې پرله پسې وژنو د خلکو پر روان بده اغيزه کړې او اوس خلک نه شي کولى په اسانه ښار ته تګ راتګ وکړي.

فراه (پژواک، ٢٧ زمری ۹۴): په فراه کې یو شمېر مدني فعالان وايي، په برېښنايي تذکرو کې بايد د اسلام او افغان کلمې وليکل شي او که دا کار ونه شي دوى "بې هویته تذکرې" نه اخلي.
د نفوسو د احوال د ثبت قانون طرحه ملي شورا تصويب کړه او وروسته د ١٣٩٣ کال د ليندۍ په ٩مه ولسمشر توشېح کړه، خو د ملي شورا د يو شمېر غړو ترڅنګ ځينې مدني ټولنو، سياسي ګوندونو او خلکو د تذکرې پر مخ د "افغان" کلمې د نه ليکل کېدو له امله اعتراضونه وکړل.

فراه (پژواک، ۱۲ زمرى ۹۴): په فراه او سرپل ولايتونو کې لاريون کوونکو د سولې د بين الافغاني خبرو ملاتړ وکړ او له طالبانو يې وغوښتل چې د جګړې پر ځاى د سولې لاره غوره کړي.
څه موده مخکې د وسله والو طالبانو او افغان دولت استازو د لومړي ځل لپاره مخامخ او رسمي خبرې وکړې، خو د وسله والو طالبانو نوي مشر ملا اخترمحمد منصور ته په منسوب يوه غږېز کلېپ کې د سولې له پروسې سره مخالفت ښودل شوى او ويلي يې دي: "د سولې خبرو ته غوږ نه نيسو، موږ به خپلې مبارزې ته ادامه ورکوو."

فراه (پژواک، ٢١ غبرګولى ٩٤): د فراه ولايت په مرکز کې د ٧١ ميليون افغانيو په ارزښت يو پول جوړېږي چې د فراه له مرکز سره درې ولسوالۍ نښلوي.
د دغه پول کار پرون د ياد ولايت په مرکز ريګي سيمه کې پيل شو.
د فراه د اقتصاد رييس ظاهر شاه خادم وويل چې دغه پول به د ٢٠٠ متره په اوږدوالي او پنځه متره په سور او د ١٨ ستنو په درلودو سره په راتلونکو ١٥ مياشتو کې جوړ شي.
خادم وويل چې دغه پول د کليو پراختيا وزارت د کليو د لارو جوړونې پروګرام (NRAP) له لوري د ٧١،٤ ميليون افغانيو په لګښت جوړېږي.

فراه (پژواک، ٢٩غويى ۹٤): ځايي چارواکي وايي، چې د فراه په خاکسفېد ولسوالۍ کې سلګونو وسله والو طالبانو د داعش پر کسانو بريد کړى او هغه سيمه يې کلابنده کړې چې د داعش کسان په کې دي.
د راپورونو له مخې، په خاکسفېد کې د داعش ډلې تېر کال د مرغومي له لومړيو فعاليت پيل کړى او په د ساجي غره په مزار کلا او "جر" سيمو کې مرکزونه لري.
د خاکسفېد ولسوال عبدالخالق نورزي، نن پژواک خبري اژانس ته وويل چې ده تېره ورځ د طالبانو او داعش تر منځ د مخابروي اړيکو خبرې واورېدې.
هغه وايي، د داعش کسانو طالبانو ته "د پاکستان د مزدورانو" خطاب کاوه او طالبانو ورته ويل چې د داعش کسان "لامذهبه" دي.

فراه (پژواک ۱۹ غویى ۹۴): په فراه ولایت کې د ملي اردو ځواکونو په هوايي بريد کې د داعش وسله والې ډلې د دوو قوماندانونو په ګډون ۱۲ جنګیالي وژل شوي دي.
د فراه د ۲۰۷ ظفر قول اردو د دویمې پلې لوا قوماندان برید جنرال میر اسدالله کوهستاني پژواک خبري اژانس ته وویل چې یاد برید د پنجشنبې په ورځ ماښام په اوو بجو د یاد ولایت د خاک سفید ولسوالۍ د اسلام اباد په سيمه کې شوی او یاده مرګ ژوبله یې رامنځته کړې ده.
هغه زیاته کړه چې په دغه بريد کې د یادې ډلې یو ټویوټا او دوه سراچه موټر هم له منځه تللي دي.

کابل (پژواک ١٢ کب ٩٣): په فراه کې لاريون کوونکو، ولايتي شوراګانو ته د سيمه ييزو ادارو پر کړنو د څار حق ورکولو غوښتنه وکړه او ټينګار يې کاوه چې د دې حق ورکول دې قانوني شي.
ولسي جرګې د سلواغې په ٨ مه، د ولايتي شوراګانو د قانون په تعديل شوې طرحه کې د ولايتي شوراګانو څارنيز رول د رايو په اکثريت رد کړ. له يادې پرېکړې وروسته، ولايتي شوراګانو د اعتراض په توګه خپل دفترونه تړلي دي.

فراه، قلعه نو (پژواک ١٣ سلواغه ٩٣): په فراه او بادغيس ولايتونو کې لسګونو تنو له ولايتي شوراګانو د څارنې د حق اخيستو په غبرګون کې لاريون وکړ.
ولسي جرګې د تېرې چهارشنبې په ورځ د ولايتي شوراګانو قانون په تعديل شوې طرحه کې له ولايتي شوراګانو د څارنې رول د رايو په اکثريت رد کړ. د دې پرېکړې په غبرګون کې د ولايتي شوراګانو ډېرى دفترونه وتړل شول.
په همدې تړاو، نن له غرمې مخکې د فراه په مرکز کې د دې ولايت د مرکز او ولسواليو شاوخوا ٢٠٠ تنو لاريون وکړ.

فراه (پژواک،١٠لېندۍ۹۳): د ولايتي شورا د هڅو په پايله کې، د فراه ښار هغه دوه سړکونه د خلکو پر مخ پرانېستل شول، چې هره ورځ بايد زرګونه کسان پرې تګ راتګ وکړي.
د فراه ښار په لومړۍ ناحيه کې د ولايت له څلورلارې تر ولايتي روغتون پورې سړک، شاوخوا درې کاله مخکې تړل شوى و او عامو خلکو ته پرې د تګ راتګ اجازه نه ورکول کېده.
دغه راز د فراه ښار په څلورمه ناحيه کې د امنيه قوماندانۍ مخ ته تېر شوى سړک شاوخوا ٧ مياشتې مخکې د عامو خلکو د موټرو، موټرسايکلونو او بايسکلونو پر مخ تړل شوى و، خو پر دې سړک د عامو خلکو د پلي تګ مخنيوى نه کېده.