Ghazni د ولايتي شوراګانو ټاکنې

غزني ښار(پژواک،٣مرغومى ۹۴): د غزني د ولايتي شورا يو شمېر غړي او ځينې اوسېدونکي وايي چې د دغه ولايت د ولايتي شورا ډېرى غړي پر خپلو شخصي کارونو بوخت دي او غونډو ته نه راځي.
د افغانستان د ملکي کارکوونکو د قانون د سلمې مادې له مخې پرته له عذره د دولت هېڅ کارکوونکى نه شي کولى له دريېو ورځو پرله پسې ډېره غيرحاضري وکړي او که چيرې دا کار وکړي نو د هرې ورځې په بدل کې يوه ورځنۍ تنخوا ګرځول کيږي.
د غزني ښار يوتن اوسېدونکي محمدحليم پژواک خبري اژانس ته وويل چې د ولايتي شورا غړي بايد د حکومت له کړنو څارنه وکړي او د خلکو ترمنځ اړيکې ټينګې کړي.

غزني ښار (پژواک، ۲۲ تله ۹۴): د غزني ولايت نوى امنيه قوماندان وايي که وسله وال طالبان له جګړې لاس وانه خلي نو ټول به ووژل شي.
دغه څرګندونې د غزني نوي امنيه قوماندان مل پاسوال امين الله امرخېل نن په غزني کې د ده د معرفۍ په اړه جوړې شوې غونډې ته وکړې.
د ولسمشر محمداشرف غني له حکم سره سم تېره ورځ امرخېل د غزني د نوي امنيه قوماندان په توګه وټاکل شو.
امرخېل جوړې شوې غونډې ته وويل: ((که چېرې وسله وال طالبان په غزني کې د خلکو د وینو له تویولو لاس وانه خلې او سوله ونه کړي نو موږ يې پر وړاندې ولاړ يو او ټول به ووژنو.))

غزني ښار(پژواک،٢٠تله٩٤): د غزني والي وايي چې امنيتي ځواکونو وسله وال طالبان په شا تمبولي او د کابل_کندهار لويه لار يې د ترافيکو پرمخ پرانېستې ده.
د غزني ولايت يو شمير اوسېدونکي او د ولايتي شورا غړو نن سهار پژواک خبري اژانس ته ويلي و چې وسله والو طالبانو د غزني ښار اړوند د اسفندي په سيمه کې د کابل_کندهار لويه لار د خلکو پرمخ تړلې ده.
خو د غزني والي امان الله هميم نن له غرمې وروسته د يوې خبري غونډې پرمهال وويل چې امنيتي ځواکونو وسله وال طالبان په شا تمبولي دي او لاره يې د ترافيکو پرمخ خلاصه کړې ده.

غزني ښار (پژواک، ٢٣ وږى ٩٤): چارواکي وايي چې د غزني ولايت پر زندان د وسله والو طالبانو د بريد په پايله کې څلور پوليس او درى طالبان وژل شوي او ٣٥٢ زندانيان تښتېدلي دي.
تېره شپه شاوخوا دوه بجې وسله والو طالبانو د غزني پر مرکزي زندان بريد وکړ.
د اړوندې موضوع په اړه د غزني مرستيال والي محمدعلي احمدي د وږي په ٢٣مه پژواک خبري اژانس ته وويل چې تېره شپه شاوخوا دوه بجې وسله والو طالبانو د غزني د مرکزي زندان مخې ته لومړى د چاودېدونکو توکو ډک موټر ته چاودنه ورکړه او بيا يې بريد پيل کړ.

غزني ښار (پژواک، ١٠ وږى ٩٤): د غزني په اندړو ولسوالۍ کې د وسله والو طالبانو او پاڅون کوونکو تر منځ نښته شوې چې په ترڅ کې يې پنځه پاڅون کوونکي او څلور طالبان وژل شوي دي.
د غزني د والي وياند شفيق ننګ د وږى په١٠مه پژواک خبري اژانس ته وويل چې تېره شپه وسله والو طالبانو د اندړو ولسوالۍ په ګنډير سيمه کې د پاڅون کوونکو پر پوسته بريد کړى دى.
هغه وايي چې په دغه بريد کې په پوسته کې د پاڅون کوونکو د قوماندان پاچا په ګډون پنځه کسان وژل شوي او درى نور ټپيان دي.
ننګ زياته کړه چې د پاڅون کوونکو له لوري په ځوابي ډزو کې څلور طالبان وژل شوي او درى نور ټپيان دي.

غزني ښار(پژواک،۲۴ زمری ۹۴):د غزني ولايت جاغوريو ولسوالۍ لس تنه تښتول شوي اوسيدونکي تيره شپه بيرته خوشې شول.
د تيرې سه شنبې په ورځ نا معلومو کسانو د غزني ولايت د جاغوريو ولسوالۍ ١٢ تنه اوسيدونکي د قره باغ ولسوالۍ له مربوطاتو تښتولي و.
په هماغه ورځ له يادو کسانو څخه دوه تنه يي د تښتونکو له منګلو تښتيدلي و خو لس تنه تيره شپه خوشي شوي دي.
دغزني دولایتي شورا غړى حسن رضا یوسفي د زمري په ٢٤مه، پژواک خبري اژانس ته وويل : (( لس ملکي وګړي چې دتیرې سې شنبي په ورځ تښتول شوي وو تیره شپه خپلو کورونو ته ورسیدل.))

غزني ښار (پژواک، ۱۴ زمری ۹۴): د غزني د ولايتي شورا يوه غړي او د یادې شورا د بل غړي سکرتر په دغه ولايت کې د خبريالانو د ټولنې مشر او يو بل خبريال وهلي دي.
د غزني د خبريالانو ټولنې مشر اسدالله جلالزي د زمري په ١٤مه پژواک خبري اژانس ته وويل چې د دغه ولايت د ولايتي شورا غړي محمدنعيم توحيدي او د يو بل وکيل سکرتر دى او د رڼا پروډکشن خبريال رحمت الله مرجانخېل وهلي دي.
هغه وايي، پېښه وروسته له هغه رامنځته شوه چې د مالستان اوسېدونکي ولايتي شورا ته راغلي وو او د دې ولسوالۍ د ځينو چارواکو د ناسمو کړنو په اړه يې خبريالانو ته اسناد ښودل.

غزني ښار (پژواک، ۱٥ چنګاښ ۹۴): د غزني د ولايتي شورا مرستيال او ځيني اوسېدونکي وايي چې د دغه ولايت د ولايتي شورا ډېرى غړي پر خپلو شخصي کارونو بوخت دي او غونډو ته نه راځي.
د افغانستان د نافذه قوانينو له مخې پرته له عذره د دولت هېڅ کارکوونکي نه شي کولاى له دريو ورځو پرله پسې ډېره غيرحاضري وکړي، خو د ملي شورا او ولايتي شورا ګانو په ګډون د دولت ډېرى کارکونکي په مياشتو مياشتو خپلو دندو ته نه حاضريږي.

غزني ښار(پژواک،١٤چنګاښ٩٤): د غزني د ولايتي شورا مرستيال وايي چې د دې شورا ځينې غړي نا لوستي دي، په قانون نه پوهيږي،د ځمکو په غصب کې لاس لري او په تېرو اتو مياشتو کې يې د خلکو يوه ستونزه هم نه ده هواره کړې.
تېرکال د لړم په ٣مه د ټاکنو خپلواک کمېسيون له کابو اووه مياشتو ځنډ وروسته د ولايتي شوراګانو د ټاکنو وروستۍ پايلې اعلان کړې ، خو دې شوراګانو د نظارت حق د ترلاسه کولو په موخه د شاوخوا يوې مياشتې لپاره د خپلو دفترونو دروازې وتړلې .
تر ډيرو لاريونونو وروسته ولسمشر محمد اشرف غني د يوه فرمان له مخې ولايتي شوراګانو ته پر سيمه ييزو ادارو د نظارت حق ورکړ.

غزني ، خوست (پژواک، ۹ چنګاښ ۹۴): په غزني او خوست ولايتونو کې له سلګونو بې وزلو کورنيو سره مرسته وشوه.
د غزني د سرې مياشتې رييس سميع الله صديق د چنګاښ په ٩مه پژواک خبري اژانس ته وويل چې دغه مرستې د قطر هېواد د سرې مياشتې ادارې لخوا شوې وې.
د هغه په وينا، دوى د مرستو تر وېش مخکې د يوې سروې له مخې د بېوزلو کسانو لېست تيار جوړ کړى و.
نوموړي زياته کړه چې په مرسته شوو توکو کې يوه بوجۍ وريجې، پنځه کيلو غوړي، يو من لوبيا، يو من بوره، دوه کيلو چاى او شېدې شاملې دي.
سميع الله صديق وايي چې په راتلونکي کې هم ورته مرستې په نظر کې لري چې له بې وزلو سره به يې وکړي.