Economy Special Reports

 چغچران(پژواک،١٥ لړم ٩٢): د غور ولايت د نږدې نوي سلنه خلکو اقتصاد په کرنه او مالدارۍ ولاړ دى، خو کروندګر وايي، چې په دې ولايت کې له  درېيو مشهورو سيندونو سره سره ، د اوبو بندونه نه دي جوړ شوي او د کرنيزو اوبو له کمښت سره مخ دي.
 
ددې ترڅنګ سوداګريزې چارې په ټپه ولاړې دي او په ځانګړي ډول د ښځو په لاس جوړې شوې غالۍ هم بازار نه لري.
د غور ډېرى خلک  خپلې اړتياوې هم له هرات ولايت څخه پوره کوي، چې دغور- هرات سړک خرابوالي هم له ننګونو سره مخ کړي دي.